صَمون [ لَنشون بالجِبنْ ... *

[elmoz]

السَلام عَليكم ورحمَه الله وبَركاته
يِسعدلي مَساكم | صَباحكم بكل خييير

اليوم يِبتْ لكم طَريقَه سَهله جِداً وسَريعَه
صمون لَنشون بالجبن و تقدرون تستَبدلون اللنشُون بالنَقانقْ أو الدياي

المَقادير :

بَصله ـ حَبه فِليفَله ـ جِبن شَرايحْ ـ و إلي يِحبون الجبن وااايد يِضيفون جبن شِيدر ـ صمون ـ لنشُون

الطَريقه :

* أول شَي انقطِع البَصل & الفليفلَه صِغار & و اللنشُون مربعَات
* عُقبْ انقلي البَصل لين مَا يحمر شوي
* بَعدين انضيف الفِليفلَه
* و عُقبْ انحط الـ لنشُون

* بَعد ما يِحمر نحط جِبن الشَرايح [ أنا حَطيت 8 حَباتْ ]
* ولأني أحب ْ الجبن واااايد حَطيت جِبن شيدر مَبشُور
* انخَليه لين ما يِذوب عقب نِحطه فـ الصَمون ...

هَذا الشَكل النِهائي

الصَراحه لَذيييذ و مَا ياخِذ منكم وقتْ
و خَفيف عَ المَعده
وبالعَـافيَه إن شَـاءالله. .
وأي سُؤال . . أنَـا موجودَة

وفَالكُم طَيبْ : ) . .

e l m o z @ D e e m u a e . c o m

[عِڜقُ الڛمآء]

الموز اصبري شويونات بخق بـ مكاني و برد

~>
ياااي منو قدي خذت الباركن
الاول و لا بعد في مطبخ الموز
صدق صدق [ لي الشرف واللهي ]
يالله وقفوا بالدور عن تتكسرون
ما نبي حوادث . . كفاية حوادث
السير الي في البلاد
جلبت الخقة مناحة
<~

السلام عليكم و رحمة الله و بركاته
عزيزتي [ مزمز]
<~ لزوم التدليع
دومج تبهرينا بطبخات أحلى و اروع
بسج ترا الصور تعذبنا وايد
تصدقين
احس لو نخلي الطبق مثل الصورة الي قبل
الاخير بيكون حلو و نحن ناكله ويا الخبز
بس صدق الطبق شكله وايد شهي و لذيذ
اما شكل الجبن الذابب في كوم و الطبق كله في كوم
عيبني . . . بس بس عذبتي قلبي
باطباقج المبهرة
ان شاء الله راح اطبقه باجر
تسلممين
لج مني احلى تقييم
و النجوم الخمس

[M E Z O]

فرصوه ماحبج
>> خذتي مكآني الجميل ..



>> انروح للموضوع ..
وعليكم السلآم ورحمه الله وبركااته

هلا هلاا باللي منووره فهالقسم .
عن جد فنآآنه يالموز
>> اول مره اتعرف .. خخ ذوقينآ انزين شي من اناملج الجميله هاي ..

حبيييت الاكله وصج سهله ومايبيلهآ شي ..
>> انسآنه اتموت فالصمون ..لازم
بس استفسآر ..!
شنو هآ اللي معلب .. اول مره اسمع به [لنشون ]..!
>> يعني هو شبيه بالنقآنق .. لان هالاشيا ماتدش بيتنآ

ان شاءالله انجربهآ ..
يعطيييج العافيييييه المووز ..
تستااهلييين التقيييييييم فديتج =)

حفظج ربي من عيين الحسآد

[H.elshiba]

'،

السلام عليكم ورحمة اللـهَ
يسعدليَ صباحج / مساج بـالخيرَ !

توه كان في خاطري صمون و جبن

الهذا سهلً وكله تمام التماماتَ احبَ هيكَ
والطريقهَ + المقاديرَ سهلهَ وماتحتايَ
حايهَ حلوهَ وسهلهَ وسنبلَ وبسيطهَ
،

وسلمتيَ ع هيكَ الطرح لاهنتيَ
نرقب الزوَد من يداجَ " يعطيج الف الفَ عافيهَ
نرقب الزودَ من يداجَ خخخ ، ،

لاهنتي

.
.
.
.

[زووزوو]

آ آ آ . .

الموز لازم تحذفين كل الردود اللي قبلي ،
لانه للحين ولا وحده كتبت شي . .
ما يخصني آنـــا >> Out


منّوره البقعة آميييه َ
هيك الطبخ اللي يشهي صدق ً
الموز اول صحن صوبيه مايخصني ّ
انا عشقي هالسندويجآت . . خاصه بالجبن . . []
شسمه وأهم شي انه ماتاخذ مجهود وايد
تعرفين الهيـّازه وشو تسوي ّ . .
ماعلييج زود أبدن َ . . وعقبال الصحنّ الياي ..
وشدي حيلج للعيد .. ولاتنسيني من الحسبه َ . .

تستآهلين الــ *5 . . والتقييم من صوبيه َ

[سُلاف]

وعليكم السلام ورحمة الله وبركاته

ما شاء الله
خفيف ولذيذ ،
تسلم الأيادي يالغالية
الـ لينشون غير متوفر حالياً لكن ممكن أدوره يوم أسير السوبر ماركت .. أو أستبدله بالدياي << الوالدة ما تحب النقانق

[Skinny Love]

يااا سلاام شو هالطبخه

ريحتهاا وصاله بيتنا هيهيهي

والله تنفع لسهرااات

عجيب عجيب بسييط وسهل

ربي يعطيج الف عافيه

[. . درر’]

يمي يمي ,
المووزَ شو هالعذااابَ حراام عليييجَ ,
حبيت الصموون وااايد ,
عافان الله طرشي صووبنا لاااه ,
الطريقة سهله وحلووة وما تااخذ وقتَ ,
وانَ شااء الله بيرب طريقتجَ ,
يعطيييج العاافية ياااربي ,
ونترياا المزيييد من الطبخاات ,
تستااهلين التقييم من صووبي ,

[elmoz]

المشاركة الأصلية كتبت بواسطة فُرصـہ ، ! الموز اصبري شويونات بخق بـ مكاني و برد ~> ياااي منو قدي خذت الباركن الاول و لا بعد في مطبخ الموز صدق صدق [ لي الشرف واللهي :cr-y: ] يالله وقفوا بالدور عن تتكسرون ما نبي حوادث . . كفاية حوادث السير الي في البلاد جلبت الخقة مناحة <~ السلام عليكم و رحمة الله و بركاته عزيزتي [ مزمز] <~ لزوم التدليع دومج تبهرينا بطبخات أحلى و اروع بسج ترا الصور تعذبنا وايد تصدقين احس لو نخلي الطبق مثل الصورة الي قبل الاخير بيكون حلو و نحن ناكله ويا الخبز بس صدق الطبق شكله وايد شهي و لذيذ اما شكل الجبن الذابب في كوم و الطبق كله في كوم عيبني . . . بس بس عذبتي قلبي باطباقج المبهرة ان شاء الله راح اطبقه باجر تسلممين لج مني احلى تقييم و النجوم الخمس

يَعطيج الف عَافيه عَ الرد
هيه بالخُبز بَعد لذييييييذ
و بَالصَمون أسهل وعَملي حقْ المُناسَبات
فـ انتظار تَطبيفِج ..

[elmoz]

المشاركة الأصلية كتبت بواسطة m e z o فرصوه ماحبج >> خذتي مكآني الجميل .. >> انروح للموضوع .. وعليكم السلآم ورحمه الله وبركااته هلا هلاا باللي منووره فهالقسم . عن جد فنآآنه يالموز >> اول مره اتعرف .. خخ ذوقينآ انزين شي من اناملج الجميله هاي .. حبيييت الاكله وصج سهله ومايبيلهآ شي .. >> انسآنه اتموت فالصمون ..لازم بس استفسآر ..! شنو هآ اللي معلب .. اول مره اسمع به [لنشون ]..! >> يعني هو شبيه بالنقآنق .. لان هالاشيا ماتدش بيتنآ ان شاءالله انجربهآ .. يعطيييج العافيييييه المووز .. تستااهلييين التقيييييييم فديتج =) حفظج ربي من عيين الحسآد

ميزووو المَره اليَايه بَطرش صوبكُم
اللَنشون نفسْ طَعم النَقانق و المَرتديلا و
فيه منه بالنَكهات أنا خذتْ حار و مُبهر
يِبيعونه فـ الجَمعِيات ،،، نِستَخدمه فـ الجَامعه أكثْر لأنه مِعلبْ
فـ انتظار تَطبيفِج ..