الإعلانات
خدمات ديم الامارات .. اضغط للمزيد
مجلة سيدتي :: عالم المرأة الاماراتية و الخليجية
columbus dubai :: كولومبس دبي لتأجير اليخوت

 

العودة   ديم الإمارات > + [ القسـم الأدبــي ] + > القصـص والـروايـــات > القصص المكتملة

القصص المكتملة تنتقل له القصص المكتملة من القسم الرئيسي .

الإهداءات

موضوع مغلق
 
أدوات الموضوع انواع عرض الموضوع
قديم 30-05-2011, 08:53 PM   #201
دُجَى اللّيل
 
 
الصورة الرمزية دُجَى اللّيل

بيانات دُجَى اللّيل
بيانات إضافية
النقاط : 301767231
الجنس :
علم الدولة : United Arab Emirates
الحالة :
المزاج
مرتبش
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



المشاركة الأصلية كتبت بواسطة بو ذياب مشاهدة المشاركة
clear
الورده الحمرا اشك انها شهرزاد



البارت حلوو

غمضوني مريم و ريم . .


بنتظار اللي بعده . .

مرحبآآ السآآع



الحين بتعرف الجواب من البارت الياي..
وو

تسلم ع التعليق والمتابعه..










التوقيع

المرسى الأول [ الخآدمة وعآملة البلدية ]
* شُكراً للفنّآنه المُبدعة عَبث أطفآل


التعديل الأخير تم بواسطة دُجَى اللّيل ; 30-05-2011 الساعة 08:56 PM.
 
قديم 30-05-2011, 08:59 PM   #202
دُجَى اللّيل
 
 
الصورة الرمزية دُجَى اللّيل

بيانات دُجَى اللّيل
بيانات إضافية
النقاط : 301767231
الجنس :
علم الدولة : United Arab Emirates
الحالة :
المزاج
مرتبش
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



المشاركة الأصلية كتبت بواسطة тнε lαωчεя ♥ مشاهدة المشاركة
clear
همممم
اعتقد اننه الورده شهرزااد
ولكن مب هي الي بيجتلونها نوب بيجتلوون حد ثااني
ميبي سعيدوه ولا حمد ولا المقنع
الله اعللم

مرحباا بج خييتوو


الحين بتعرفين الجواب من البارت الياي..
وو

تسلمييين ع التعليق والمتابعه..










التوقيع

المرسى الأول [ الخآدمة وعآملة البلدية ]
* شُكراً للفنّآنه المُبدعة عَبث أطفآل

 
قديم 30-05-2011, 09:05 PM   #203
دُجَى اللّيل
 
 
الصورة الرمزية دُجَى اللّيل

بيانات دُجَى اللّيل
بيانات إضافية
النقاط : 301767231
الجنس :
علم الدولة : United Arab Emirates
الحالة :
المزاج
مرتبش
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™






~| الهمســـــة الواحـــــدة وعشـــــرون |~




//



فجــــر


،

الحينة بسير اييب بدوور من بيت علي...وعقبها بنرد البيت...
حررررر...!
العادة علي يوصلنا...بس اليوم حسيته غريب..
كلّه سرحآآآن....؟ ومتوتـــر...
حيّرني لمّا سأل الشباب عن المهرجآنات الموجودة فـ المدينة...؟
و لمّا قالوله انه في واحد اليوم..تحمّس..!!!
ماحيده يحبّ المهرجآآنات..؟
والغريب الشغل المفاجىء بعد التدريب..؟
وين بيسير..؟ وشو هالشغله....
فيني فضوول...احسّه مخبي عنّي شي..!

،

وصلت بيت علي..
دقييت الجرس...
يلاااااا..الله يخلييكم ..بسرعه افتحوو...احترقـــــــــت..!
دقيت الجرس مرة ثانية...

سمعت صوت بشكآآرتهم : اووكي..اوووكي....افففف..

شفيها هاي تتحرطم...؟
فتحت الباب وهي مكشرة....ولما جفتني ابتسمت..
موولت..

قلت مستعيلة : وين بدووور..؟
قالت : بدوور...يروووه من زمآآآن..!
عقدت حوآجبي..: رآآحت...؟ وين رآآحت..؟
قالت : ايواا..رآآهت.....اكيد يرووه البيت....يأني وين بيروه ان شاءالله...؟

شفيها..هااااااي...؟ والله لسآنها يباله قصّ..

قلت متنرفززه منها : روحي..روحي...زقري ماما..
بوزت...: ماما رآآقدة..
تافف : سيرري ازقريلي اي حد..بسسسرعه..

بندت الباب فـ ويهي...!!
والله ما تستحي...!
دقيقة..واسمع صوت خطوات ورا الباب...
كنت بصآآرخ عليها..وبغسل شراعها....بس سمعت صوت بنية....؟

...: السلام عليكم..
انا : وعليكم السلام..
...: خير اخويه...شو بغيت من امايه..؟
قلت : وينها خالتي..؟
...: امايه الحينة رااقدة...
قلت : انزين ..انا ياي اخذ بدوووور....وينها...؟
سمعتها تقول مستغربة : بدوور..؟ رآآحت من زماان البيت..

دقّ قلبي بسرعه...

قلت بسرعه : كيف رآحت البيت...؟!!! وو ويااا منوو...؟
قالت بارتبآآك : أأ....وياا عليّ وو ربيعه..!
قلت باستنكآر : كيف..؟ اصلن علي قال عنده شغل......وو بعدين منو ربيعه...!؟

ياللــــــــه..شوو هاا.....!!
ريولي بدت ترتجف من الخوف.....بدوور رااحت ويا منوو...؟
محد يعرف عنها الا انا وعلي واهله...!
وعلي ما قال بيمر بيت اهله او بياخذ بدور..؟!

قالتلي :...اكيد ربيعه فارس...
قلت بعصبية : انااا فآآآآآرس...!
حسيتها انصدمت وماعرفت شو تقول..
قلت : علي شو قالج..؟ قال بيوصل بدور ولا شو..؟
قالت بلعثمة : انا ماجفت علي......اظنّي كان فـ سيارة ربيعه.....لان ربيعه هو اللي نزل وخذ بدور وراح..

حسيت بـ مااي بآآآآآآآآآرد انصب عليّ..!
من كلامها..يعني مب علي اللي خذها...!
بدوور......بدُوري انخطفت...!!
ماقدرت اوقف...نزلت ع الارض....
شووا سوي...!!!
منووو اللي خطفها...!
مسكت رااااسي....ياااارب...ياااارب..الا بدوور...احمييها يااااارب..
هذي أمآآآنة عندي..!
سمعت الباب ينفتح...
وجفت البنية واقفة جدآآمي...والدموع معّلقه فـ عيونها..

قالت وصوتها يرتجف : أأنآآ آآسفه....وو...الله كنت احسبه انت.....هوو قالي بسرعه خلي بدُور تطلع علي يتريااني في السيارة...هو اللي قصّ عليّ...

طالعتها....يعني ما جافت انه ما يشبهني...؟

وكأنها قرت افكآري : لا ما جفته...كان معطيني ظهره....بس لمحت انّه لابس نظآرة..
ولمّا صااحت بدُور...رفعها وحضنها...وما قدرت اجوف ويهه لانها غطته...

بدُور..صآآآحت....!!!
تقطّع قلبـــي....اكيد بتصيح لانه غريب..!
ولا العادة لمّا تجوفني تناقز من الفرحه....
تنهدت بالم....
مسحت ويهي بكفّي افكر شو ممكن اسوي الحين...
وين بقدر احصّلها...وانا ما عندي مواصفات اللي خطفها الا انّه يلبس نظآرات..؟!
لحــظة..!
نظآآرآآت..!!!

رفعت نظري لها بسرعه..جفتها تصيح بصمت قلت : الريّال كان لابسة نظآرات..؟

هزت راسها بهيه..

قلت بتأكيد : نظآرات طبيّة....؟
طالعتني متفآجأة : هيه..
قلت وانا قلبي يدقّ : طويل..؟ وو ضعيف بس معضّل..؟ وشعره اسود مب طويل...؟
قالت بسرعه : هيييه...

لاااا يآآآآربي.....ارجووك احمييها منّه...

وقفت بسرعه...
قالت : تعاال ادخل..بدق على علي بخلييها الحينة ايي...
قلت بسرعه : لا ....لا تدقين عليه....خلاااص عرفت وين بحصّلها..

تركتها..
وركضت بروح البيت...

.

وصلت و بسرعه طلعت فوووق...
يآآرب تكون دآآخل...
.
شكوكي فـ محلّها...هو موجود دآآخل...
لانّ الباب ما كان مبند بالمفتآآح..
دخلت...
وو
التقت نظرآآتنا....
لمحت فـ نظرته خبث..
.
طآآح قلبي لمّا جفته مآسك سكينه..ويمسحها بمنديل...
حركّها جدآآم عيونه يتأكد من لمعآنها...
جفت انعكآآس ابتسامته على سطحها..

قلت وانا احاول اكون هادية : اسمعنـــي...بدُور ما يخصها فـ اللي بينا...اذا تبا تنتقم...انتقم منّي....هي بريئة وما يخصها...

طآآف...!
بس رفع حاجبه وهو بعده يطالع سكينته..

قلت بحذر : وين بدُور...!؟

طالع فيني وبآنت اسنانه من ابتسآمته اللي وآضح ا ن وراها اشيااء..!
قلت بنفآذ صبر : ويينها....شو سويت لها.....!!!
قال ببرود قآتل : شوو تتوقعين من شخص شراتي يسوي فيها...؟ يبوسها..؟ يلعبّها...؟
قلت بعصبية : لو صار لها شي....ما تلوم الا نفسك..!
رفع حواجبه بسخرية : انزين لو قلتج اني مثلا " رفع السكين جدآمي " ذبحتها..؟ شو بتسوين..؟

!!!!!!!!!!!!!!!!

حسيت نبضآآت قلبي توقفت...!!!
والدنيا بدت تسودّ فـ عيوني...
قتلها...!!
لااااا......اكيد يقصّ عليّ...
حاولت اتمآآسك...
طالعت عيونه يمكن الاقي اي شي يدل انّه يكذب عليّ....
بس.....نظرآآته كآآنت قآآآآسية...
احسّ بنخنقـــــــــه....ابااا هواااااا....
بدُووووري.....بدُوور....مآآتت...قتلها...!!

صرخت وانا اهز راسي بلااا : لااااا....لاااااا...ما قتلتها صح....! بــ....بــدُوري ما قتلتها...!

ما ردّ عليّ الا ضحكته الحقيرة....

يت صورتها جدآم عيني.....وهي تصيح برعب.....تصآآرخ..تباني انقذها...!
ووو صورتها هي مقتوله..
الدمّ يغطّي المكآآن....
صورة يوسف.....وهو يضحك بانتصآآآر..!

.
طآآلعته وعيوني يتطآآير منها الشرر..
خلاااص الشيطآآن عمآآني...

تجدّمت منّه...قلت بحقد وبغضب : قتلتها هاه....!؟...عيل انت الحين بتلحقها...

وو قبل ما يردّ عليّ..
هجمت عليه..وبسرعه سحبت منّه السكين..

انشّلت حركته....
طالعني مصدوم.....مب متوقع ان السكين بايدي الحين..!
بس بسرعه ردت ملامحه طبيعية..

قلت وانا اتنفس بغضب..: بقطعك قطعه قطعه.....بخلييك تتعذب.....ابيك تذوق الالم اللي ذآآقته.....!!
قال بهدوء : بتقتليني...؟!
صرخت فـ ويهه..: هيييه...بقتلك.....!

وقف ببطىء وهو رافع ايده..
رديت ورا شوي..
جفته يبعّد عن الغنفه..ووقف فـ نص ّ الصالة...

صرخت عليه : وقّف مكآنك....اي حركة ثآآنية....بغرس السكين فيك..

هزّ راسه وهو يضحك باستخفاف...
فآآآآر دمّـــي...هاا يحسبني امزح......!!
..
يت صورة بدُور وهي تصآآآرخ وتصيح....
..
ما قدرت اتحمّل...ركضت صووبه وانا اصرخ....
مسك ايدي اللي فيها السكين...

قلت : والله بقتلك....بقتلك يآآ يوسف......انت احقٍر انسآآآن جفته.... " صرخت فـ ويهه " ما تسآآآهل تعيييييش....!!! لازم تمووووت وتريّح النآآس منك...انت تستآآهل المووت...!!!!

ضربته بايدي الثانية...
وحررت ايدي اللي ما سكه السكين....
رديت وهجمت عليه..لين طآآح ع الارض وطحت معآآآه...
وجهت السكين لرقبته.....حاولت اقربّها اكثر....ابا اقتله...بس هو ماسك ايدي بقووة...

يت صورة بدُور وهي مقتولة...
طالعت فـ يوسف كيف ييحآول يتشبث فـ الحيآة...
بدُور....؟ كيف دآفعت عن نفسها...
كيف قتلها..؟ قصّ رقبها اول..؟ ولا عذبها وعقبها موّتها...؟
.
انتبهت لنظرآآت يوسف ...وووو دموووعي اللي طآآحن ع ويهه بدون ما احسّ...

قلتله بصوت بآآكي : انت مب بشر....! ما عندك قلب..!! ما تحسّّ....؟!! " شهقت بالم "
انـــت.....أأ..نــ ـت قتلتها...!!

قال بجفاا : لا تصيحين عليها.....ترا في الاخير هي ما تستويلج..

طالعت فيه بصدمة.....هااا معدووووم من الاحسآآس...!!!

هزييته بعنف من كتفه وصرخت وانا اصييح بقوة..: كيف.....كيف..يطاوعك قلبك تقتل يآآهل.....يآآهل بريئة..! مـ...مـآ لان قلبك لما جفتها تصيح من الخوف...؟ ما رحمت ضعفها وبرآئتها....!

عضيت شفايفي..وهزيت راسي باسف ما شي فآآيدة....
ماقدر اعبّر...
خذت نفس عميق احاول اكتم شهقآآتي..

قلت بضعف واسف : شو ا قول...؟ بأي لغة افهمك....؟ " تنهدت وبهدوء قلت " اكــــرهك....!!....اكرهك يا يوســ.......

قطع كلامي لما هجم عليّ..وووو
صآر وضعي العكس....!!!!
انا تحت وهو فوق..!!
ومثبت ايدي الثنتين ع الارض...
.
لحظة صمت....
.
صديت ويهي عنّه..
ودموعي تنزل ع الارض..
خلاآآص الحين بموت....وما بعيش وانا شايله ذنب موت بدُور..
الحين بلحق بدُووووري..

سمعته يقول : تبين تموتين.....؟

.......

ردد كلامه : تبييين تموتين...؟!!
قلت بهمس : هيه...

سكتت...
وو
مسكني من يآآقتي.....وشدّني....لين قعدت..
وو شدّني اكثر....لـ حضنه...!!

قال بنبرة غريبة : بس انا مابيج تموتيين...!

!!!!!

شفيييه...!!!!
انصدمت من حركته....!
أأ لا..يمكن هاي من حركآآته الحقيرة.....؟
بسس..
قدرت اسمع دقآآآت قلبه السريعه..
.
ليش..؟ شو يبا مني الحين.....!
مادري ليش تسلل الخوف لقلبـــي...يتني رجفه..
حسيته حسّ فيني..
وشدّ عليّ اكثـــر...
وو
بعد فترة
قال بنفس نبرته الغريبة : تكرهيني صــــح...!؟

سكت....!

قال بنبرة اشكّ انها الم : ما بلوومج...الاكيد ان خاطرج تمحيني من الوجود...

رصّيت ع السكين..

تنهدت وهمس بصوت وآآآطي : لا تكرهيني..ارجوج...!

مادري هاللي سمعته او العكس..؟

قال : خلااص.....اقتليني....

خفت..خفت وآآآيد......انا يوسف ما اضمنه..
شفييه...؟ شوو اللي يفكّر فيه...!

قال يشجعني : يلاااا....!

مادري اقتله ولا لا..؟
عندي فرصه اطعنه فـ ظهره..
بس ايدي متجمّده.....
هيه.....يلا انتقمي لـ بدُور.....اقتلييه...وقطعييه بعد..
بسس..
ايدي ما تتحرك...!!!
ليش ما اقدر اقتله...؟
هو يستآآآآهل.....يستآآهل المووووت...
.
جآفني طولت....بعدني عنه...
طالعني....
جفت ملامح غير عن اللي دوم اجووفها...
مادري..الم..؟ حزن...؟ ندم...؟ او تخفي وراها خبث...!؟

قال بصرآخ : مب انتي تبين تقتليني...؟ يلاااااا....شو تتريين...!

ماعرف شوا قول....
هزيت رااسي بلااا.....ماقدر....
بس ليش...!!!!
.

تنهد.....وو عقب قال بجدّية : فجـــــر.....

اقشعرّ جسمي لما سمعت اسمي...

كمّل : فجر...تبين ترآآآحين....؟ تبين حيآتج تردّ شرآآت قبل..؟ تبين تفتكين من هاا كلللله...؟

طالعته اتريآه يكمّل..

قال : اذا تبين .....ابيج توثقين فيني...!

طالعته باستنكآآر..!
اثق فيه...؟ مستحـــــيل..

قال بثقة : صدقيني لو وثقتي فيني..بأحمييج منهم كلهم...!
قلت باستنكآآر : كيف....كيف تحميني..وانت وآحد منهم...!!!
قال يسكتني : اششش......خلاااص المآآضي انسييه...بنبدا صفحة يديدة..بعيد عن ها كله..
قلت وانا بعدني مب مستوعبة اللي يقوله : كيف تبآآني اثق فيك....وابدا صفحة يديدة ويآآك...وانت اللي كمـ ن مرة غدرت فيني...؟ فهمني كييييف..!
قال باصرار : قلتلج المآضي انسييه...! قبل كنت اكرهج..! وما كنت اعرف سبب هالكره..
" سكت شوي " لانه في الاصل مب كره....

دزيته من صدره ابتعد عنه...
قلبي يدق بقووووة.....شوو...شو يالس يخربط هذا..؟!!!!

قلت بسرعه : بس انا اكرهك.......اكــــــــــــــــرهك....!!!

انتفضت لما مسكّ ايدي..
ووجه السكين لصدره..
صرخت بخوف : لااااا...!

حاولت اسحب السكّينه بعيد عنّه...
بس هو مآسكنها بالقوو..
يباا يغرس السكينة فـ صدره..
..
انا ليش امنعه لييييش...!!!

بكيت بقووة من غبآآآئي ومن شخصيتي المتناقضة...

قلتله بدون شعور وانا اصيح : بسس...بسسسسسس....!

لا مب بسس..خليييه يموووت....
هالانساان ما يستااهل الرحمة....!
بدُور...قتل بدُُوووووور!!!
هييه...هو اللي ذبحها وموتها....
.
حسيت بقبضته تخفّ ....
نزّل ايده..

قال باستغراب : ليش....ليش ما تبيني اموت....!

نزلت راسي..وبكيت بصمت....
حطّ ايده ع راسي....: فجــ....
...: فــ...ـآآآآلس.....

؟؟؟

....: فـ..ـآآآآآآآآلس.....!

رفعت رآآسي اطالع يوسف....
جفته مبتسم ابتسامة ميته...
هزيت رااسي بقوووة..
بدييييت اتخبّل...!
.
لا..ها مب صوت بدُور...!

.... : فآآلس...!
وقفت بسرعه وانا ارتجف : اناا اسمع صووت بدُووور.....والله اسمع صووتها...! بدُووري..ويييينج.....؟! بدُوووور تسمعيني...!

سكت احاول اسمعها....
سمعت صوت صيآح خفيف ياي من غرفتي...
طالعت يوسف وانا اتنفس بقووة....
ياارب ما يكون حلم...
.
مشيت بحذر لغرفتي....
جوّلت نظري فيها...
محد......
مافي الا مكآنها المعروف.....
اقتربت من الكبت.....
سمعت صوت صيآآحها المكتوم ....
فتحت بسرعه الكبت...
جفتها...
جفت بدوووووووووووووور...
حاضنه عمرها..وييها منتفخ من الصيآآح..
.
مم..مآآعرف اوصف شعووري فـ هاللحظة.....اصييح...؟ ولا اضحك...!!
تصنمت مكآآني...!
.
ماحسيت الا وهي لاويه ع خصري وتصييييح..
نزلت ع الارض ..
وضمييتها بقوووووووووووة...
وانا اتمتم بالشكر لربي..
واصييح مع صيآآحها...
.
صحيح ان بدور بس لها شهرين و اكثر معآآي...
بس اعتبرها كل شي بحيآآتي...
حسيت معاها بجو العايله اللي فقدته..
ما اتخيّل افقدها...مع اني اعرف انّه في يوم بيي وبنفترق...
بس اتمنــى اتمّ معآآي للابد...
.
لمحت يوسف متكتف عند الباب ويطآلعنا..
صديت عنه....ومسحت دموعي..
تنهدت..
وقفت..وبدور بعدها متعلقة فيني...

رحت صوبه..ووقفت جدآآمه..
جفت ملامحه البآآآآآآآردة ردّت شرآآت قبل......!

تنفست بعمق...وو بقوة قلتله : يوســــف......انت بتبقى يوسف الباارد القآسي المجرم فـ نظري.....ومستحيل تتغير..! " سكت ...وكمّلت بتحدّي " وبتبقى الحرب بينا لين ما حد فينا ينتصر على الثاني...." رفعت ايدي بتحذير " بشرط...بدون اي طرف ثالث فيها...

جفته يبتسم بسخرية...ويهزّ راسه موافق..
عقبها صدّ عنّي...واختفى من جدآآآمي..
.
طالعت بدّور...وتنهدت برآآحه...

بستها ع راسها : يلا بدُوووري...خلااااص حبيبتي...لا تصيحييين..!

حطيتها ع السرير...وسرت المطبخ اسويلنا غداا..


//



ريــــــــــــــــــــــم



،

تعبت من الصيآآح....من نشييت واناا بس اصييح..
صحييت من حالة الصدمة اللي كنت فييها..
وكل ما ذكر اللي صآآآر اتييلي قشعريرة...!
يآآربي...لو ما ياا منصوور فـ هاك الوقت....شو كان بيصير لي...!!!!!
الحمدالله....الحمدالله....اللي انقذني منه..
.
طالعت فـ مريوم اللي رآآقدة بتعب...
نزلت دموعي على حآآلها...
وآآآآيد عآآآنت مع الحقير هذاك...
..
كلله من العآآملاااات الحقيرآآآآآت....هن السبب...
هن اللي خططن كل هذااااااا...
الله يآآخذهن....

بس يستآآهلو كلل اللي بييهم..
سمعت محمد ومنصور يقولون بيقتلونهم كلهم..
.
عدلت لحآف مريوم..
تأمّلتها...
مع ان محمد سآآعدها...
الا انها اول ما جافته صرخت وانواع السبّ كلها عطته فـ ويهه
والغريب انه كآآن سآكت..!؟
صح انهم السبب في اللي نحن فيه...
لكن مع هذا ساعدونا...
والاغرب انه ماكانت لهم نية يأذونا...

قلت لمريوم هالكلام...
المفروض تشكره او تسكت..
بس خرعتني لمّا صارخت عليّ..زين ما كفختني...!
احترت من كلامها..
قالت هاا كلله بس عسب يقصّون علينا...
وع قولتها نطيح فـ فخهم...؟
.
احسّ كلامها ما يخصّه.. كيف فخ..؟
معقولة هم خططوا ها كلله..؟
مستحيييل...لان اللي صاار كان جدّي...
وكلنا تعرضّنا للخطر..
.
منصوور...احسّه واااايد طيب...
لالا مب طيب...
لا هو مب طيب.....بس فيه خير شوي..
والاهم انه عكس محمد...
مممم حتى محمد حسيته صاير طيب..
يمكن بيشفقون علينا وعقب بييظهرونا من هني..؟
.
حطيت ايدي ع خدّي طفرت من التفكير..
.
سمعت حدّ يدق الباب...
وعقبها دخلت عآملة..
كانت تكلمني وهي منزلة راسها....اوونه احترام..
تقول مستر منصور يبي يجووفني...؟!
هااي اكيد جذااابة..
غسلت شراعها بصوت وآطي عسب ما ازعج مريوم...
وو
جفتها سارت بتظهر..
وقفت عند الباب...وكانت تكلمّ حد..
خفت..
يمكن بتييبلنا واااحد شراات امس...
بس..
جفت راس منصوور يدخل من الباب..
و قال بصوت واطي..ايي عنده...
.
وظهر..
شووو يباا....؟
اسيــــر..؟
لا مستحييل اسيير...
بسس...يمكن بيقولي شي ضروووري...؟
هيه بسير بجووفه وبردّ بسرعه..
وقفت بسير البس لي عباة...
بسس..
حسيت بمريوم تمسك ايدي...
صديت اطالعها..
جفتها مغمضه عينها..

قالتلي بتحذير : لا تسيرين..
قلت بلعثمة : مريوم..يمكن يبا شي ضروووري..

فتحت عينها ويلست...
شدّتني صووووبها...
وحضنت ويهي بكفوفها... : ريم...الله يخلييج...انتي تصدقين منو.؟ انا ولا هم...؟
قلت : اكيد انتي...بسس....مريوم صح انهم السبب لكن يمكن بعدين يظهرونا من هالمكآن..
كمّلت باصرار : وليش ما ظهرونا الحين...؟ لانهم هم السبب.....هم سبب دخولنا هالمكآن..
" تنهدت " ريمآني..لا تكونين بريئة بزيادة عن اللزوم....اللي شرآآتهم...تفكيرهم يكون خبييث...! تبين افهمج هم شو يبون...؟

هزيت راسي بهيه

قالت بغيض : هاي كلها مسرحية مخططين لها....بتقوولين شو هدفهم...؟
هم من البداية شو قالولنا..؟ قالو يبونا متعه لهم.....! يبون يتسلون فينا..
بس لو فكرتي....المتعه الاكبر..لو يينا لهم نحن بريولنا....
باختصار شديد..حركتهم هاي الهدف منها انهم اييبون راااسنا...!

شهقت بصدمه من سذآجتي...!
وانا الغبية والغبية و الغبية صدقتهم...!
حضنت مريوم بسرعه...وانا صدق ندمآآآآنه..
.
حسينا بحدّ في الغرفة...
رفعت رااسي اطالع صوب الباب....
جفت منصوور يطآآلعنا...
بسس...
مب النظرة الحنوونة اللي دوم اجووفها...
لا...
هالمرة كانت نظرة غييض وحقد..
جفته يطآآلع مريووم مقهوور...
ومن نظرته هذي.....تأكدت من كلام مريوم 100%

طالعته باحتقآآر : ما يشرفني اجوفك ولا اكلمك.....!!!

صدّ عنّــــا بعصبية...
وو
ظهر من الغرفة...


//


يتبع


//



~| تآبع الهمسة الواحد وعشرون |~











التوقيع

المرسى الأول [ الخآدمة وعآملة البلدية ]
* شُكراً للفنّآنه المُبدعة عَبث أطفآل


التعديل الأخير تم بواسطة دُجَى اللّيل ; 30-05-2011 الساعة 09:13 PM.
 
قديم 30-05-2011, 09:17 PM   #204
دُجَى اللّيل
 
 
الصورة الرمزية دُجَى اللّيل

بيانات دُجَى اللّيل
بيانات إضافية
النقاط : 301767231
الجنس :
علم الدولة : United Arab Emirates
الحالة :
المزاج
مرتبش
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™





//





علــــي



//


بالليل الساعه 10 ونص

//


توني مبند من فآرس وتطمنت على بدور...بعد ما قالتلي سلمى اللي صار..
بس ما قالي شو اللي صار بالظبط ومنو اللي خذها..
بعد ما خلّص شغلي بجووف شو السالفة..

.

وقفت سيارتي في الباركنات الموجودة...ونزلت منها متوجه لموقع المهرجان..
وبالموت حصلت مكان جدآآم....
.
قعدت وانا اراقب بحذر...
مافي وحده ع المنصة لابسة احمر...؟!
التفت للي عدآلي جفته مندمج ومتحمّس مع العروض ..
سالته اذا في العاب نارية بيسوونها...؟
قالي في ع الساعه 11 ونص ...
مممم 11 ونص..؟
ظهرت الورقة.....وبديت اعصر مخي.." تنقسم العقرب واللؤلؤة "....؟!
رفعت رآسي فوق....جفت البدر....كأنّه لؤلؤة في نص السما..!
بس كيف ينقسم...؟ هه بيفجرونه مثلن..؟
لحظة...
يمكن لمّا الالعاب النارية بتطلع فوق...بتمر من نص القمر....فـ بيطلع لنا كانّه منقسم نصّين..!
.
تميت ساعه كاملة وانا احاول افهم اللغز...وو احصّل البنية اللي لابسة احمر..
طالعت في الساعه...11 ونص...
باقي نص ساااااعه بس..!!
.
انتفضت من صوت الالعاب النارية اللي طآآرت في السمآآآ...
بدا قلبي يدقّ بقوووة...
تلفت بسرعه بين النااس....وينها...وينهااااا.....؟
اففف....لا وردة حمرا ترقص ع الشلّق ولا القمر انقسم....
شو هالتحلييل الغبي...الشلّق هو اللي بيقسم القمر هههه...
.
ترييت لين ما خلصت الالعاب النارية...
بقت ربع ساعه فقط...!
انزين..؟ مافي ولا شي غريب...
.
خلّص المهرجآآن...والناس بدت ترووح...
؟؟؟؟
وقفت ادوور ع المكان اراقب....
ما بيسوون جريمة جدآم النااس..
اكييد بيتريوون لين الكل يروح..
.
رديت قعدت ع الكرآآسي برووحي....
الكل اختفى...؟
معقوولة المكان والزمان غلط....؟
الا اكيييييد غلط...!
مافي حد هني ....و كل اللي صار...ماكان مطآبق للورقة...
طالعت في الساعه....10 دقآيق وتستوي الساعه 12...
.
مافي فايدة.....وقفت وسرت صوب سيارتي...
ركبتها وتحركت...بدور ع المكان...يمكن اجوف شي غريب قريب من هني..
رحت صوب الاماكن القريبة...
نفس الشي...المكاان هاااادي...
باااقي 7 دقآآيق...
خليت السيارة تتحرك ببطى..وفتحت الجامة اراقب الشوارع...
تنهدت وحطيت ايدي ع خدّي...
طالعت في برج الساعه الطويل واللي يعتبر فن معمآآري فـ مدينتنا...
بآقي بالظبط 5 دقآآآآآيق...
.
معقولة الجريمة بتكون في مدينة ثانية او مكان ثاني بعييد عن هني..؟
لحظــــــــــة...!
برج السآآعه....!
رفعت نظري له....دست ع البنزيين بقووة.. ساير صووبه..
وانا اقترب منه...عيني كانت ع القمر...
لين صار القمر في النص....و قمة البرج من فووق تقسمه نصّين..
كتمت انفآآسي وانا اقترب اكثر واكثر....الجريمة بتصير تحتهم....
ووو اكييد بيصير انفجآآآر هناااااك...
خففت السرعه لمّا صرت قريب....
بااقي دقييقة وحده بسس..
.
بما ان البرج في مركز المدينة....فـ عادة ما يكون الناس متواجدين هناك ...
وقفت السيارة قريب وبديت ارااااقب....
وو
ليين ظهرت لي الوردة الحمـــــــــرا...!!
.
سيآرة حمراا تتحرك ببطىء وكانّها تترياا حد...!
هييه..هي هذي المقصوودة...انا متأكد...مافي الا سيارتي وسيارتها الموجوداات...
احسّ اعصآآبي مشدوودة...
مااعرف شو اسوي بالظبط..
اشّرت لها بليت السيآآرة....
جفتها وقفت...
لبست الكاب والنظارة الشمسية..و
فتحت الباب ونزلت....واشّرت لها اتيي..
ارتحت لما وقفت...وبتردد نزلت من السياارة..
الحينة شو اقوولها...؟
وين الانفجار بيكون بالظبط...
جفتها وقفت عند سيارتها وما تحركت..
يآآربي.....تعآآآآلي ليش وااااقفة...؟
مشت بطىء صوبي...
لين عمّ الصمت فجأة لما سمعنا صوت السآآعه العاالي.....12:00....!
" تنقسم اللؤلؤة والعقرب في خطّ مستقيم....! "

صرخت عليها : اركضيييييي......

وو

هي فـ نص المسافة بيني وبينا.....
صآآآر اقوى انفجآآآر فـ حيااتي شفته..!!!!! " وتنطلق اشعّة الشمس من اسفلهما تشدوا على انغآم نبضآت الاشعة..! "


ومن قوته طرت في الهوا....وطحت ع الرصيف...وسمعت صوت زجاج سيارتي يتكسّر..
رفعت رآآسي بالم...
جفتها....جفت البنية تطير فوق....." ووردة حمــرآآآء..تترآقص على تلك الانغآم بكل سحر وجمآل..! "

قلبي نبض بقووووة......كل اللغز تفسّر جدآآمي...
وقفت بصعوبة...وسحبت ريولي لين عند البنية...والناس اللي واقفين بعيد عنها ويصارخون..

اقتربت منها.......يالله..!!!!!
تقطّع قلبي لمّا شفت شكلها....!
توها كانت يا زينها....الحين تشوهت بالكآآآآمل...
غضيت بصري عن ذراعها اللي جلعها الانفجآر..
يلست قريب منها...
بلعت ريجي.....ماتت فـ لمح البصر....!!
ليش...
شو سوت عسب يقتلونها...!!!
طالعت فـ الناس الواقفة....يمكن يكون المجرم بينهم...؟!
عضيت شفايفي بقهر وانا اطالعها..
همست بغيض وحزن : ليش...!!!! ليش قتلوووج...؟ حرآآآم علييييييهم...!!
انا السبب....انا,,,,,لو عرفت الحلّ من قبل كنت بقدر انقذج...." ضربت بقبضتي ع الارض بقهر " انا غبـــــي...غبـــــي..
.
...!!
انتبهت لشفآيفها تتحرك....!
تتكلم...!؟
حطيت صبعي عند خشمها اتاكد اذا تتنفس او لا......
تنفسها بطىء...!!

حسيت بسعآآدة....الحمدالله....
صرخت ع الناس الواقفة بعيد : اتصلووووو في الاسعآآآآآآف.....مآآ مآآآآآآآآتت...

سمعت همسها...
يالسة تكلمني...!

قلت بسرعه : منو سووا فيج جي....!؟ تعرفييينهم....؟
قالت بصعوبة : هـ...ـ.....ـيه..
قلت : انزين ليش يبون يقتلونج....!؟
قات برجاا : ابـ....تـ.ـعد.....عنــ..هم.......لو......و..قـ.فت. ..فـ و...يهــ..م..............بتــ..مــوت...!!!!!
قلت بقهر : انا ماخاف منهم.....وبتم الاحقهم لين اعرف منو هم.......صدقيني بنتقم لج...
بس انتي قووليلي منوووو هم....الله يخلييج قووووولي...
همست بكلمة غريبة...
مافهمتها......وو عقبها سكتت...وما صارت تردّ ع تساؤلاتي...
حطيت صبعي عند خشمها مرة ثانية...
توقف تنفسها...!!
ووو ثواني الا و سيارة الاسعاف والمطآآفي وصلوو...

وو


مآآآآتت الوردة الحمرآء..

//




~| نهـــاية الهمسة الواحدة وعشرون |~










التوقيع

المرسى الأول [ الخآدمة وعآملة البلدية ]
* شُكراً للفنّآنه المُبدعة عَبث أطفآل

 
قديم 01-06-2011, 10:50 AM   #205
الدنيآ ملل -_-
 
الصورة الرمزية الدنيآ ملل -_-

بيانات الدنيآ ملل -_-
بيانات إضافية
النقاط : 1310622
الجنس :
علم الدولة : United Arab Emirates
الحالة :
المزاج
أحبك
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



لـآآآآآآآآآآآآآآآآآآآآآآآآآآآ ليييييييييييييش ><" . .

آف قهر مآتت =( . . بسس مـآ كآنت شهرزآد بسس آكييد وحدة من ضح‘ـآيآهم وآكيد سوؤ فيهآ آشيـآ وآشيآ ><"

ويوسـف آلغبي شو يبـآ آلحين عقب مآ سوآ آللي سوآه -.-" . .

فديتهـآ بدووري مآ ذبحهآ d= . .

غلـآي لـآ تبطييين نتريـآـأج . .










التوقيع
. . ʅ ۈۆۅڜ تقِۈۆۅڸ بـ ڜِخڝ حببّبّبّبٌڪ
............... ڵڵـ جنۈۈًۆۅۈَن ،
ۋۈ مآآ آڪِتڤـۓ
. . !




التعديل الأخير تم بواسطة الدنيآ ملل -_- ; 01-06-2011 الساعة 10:52 AM.
 
قديم 01-06-2011, 05:21 PM   #206
B'3onziéMiiwa ♥
.:: ديم فعال ::.
 
الصورة الرمزية B'3onziéMiiwa ♥

بيانات B'3onziéMiiwa ♥
بيانات إضافية
النقاط : 2497894
الجنس :
علم الدولة : United Arab Emirates
الحالة :
المزاج
ضرابة
من مواضيعي من إبداعاتي الأوسمة والجوائز مدونتي
افتراضي رد: همــــس المـــــوت | Whisper Of Death ™



بـآآرت رووّعآآه ,
آمم آحس يومسف قص عليهآ و جيه !
وو منصور يحب ريم !
و هآب مب شهرزآآآدَ <3 !
قصصه جميلهَ , آستمرري










التوقيع
لآ لآ لآ تضـآيقونَه !
 
قديم 03-06-2011, 10:23 PM   #207
Marvel
.:: ديم فعال ::.
 
الصورة الرمزية Marvel

بيانات Marvel
بيانات إضافية
النقاط : 4408003
الجنس :
علم الدولة : United Arab Emirates
الحالة :
المزاج
مانكير
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



آ آ آ مآتِت
شسمه آحس يُوسفوهه يحب فآرِس لآه
همم مريَم و ريم هآلتنتين يكسروآ خآطرِي

و بس ،، آترقب آلبآرت آليَآي










التوقيع
سبحآن الله و بحمـده
سبحآن الله العظيـم

 
قديم 08-06-2011, 10:43 PM   #208
виôôтα иicε ✿
.:: ديم نشيط ::.
 
الصورة الرمزية виôôтα иicε ✿

بيانات виôôтα иicε ✿
بيانات إضافية
النقاط : 2366216
الجنس :
علم الدولة : United Arab Emirates
الحالة :
المزاج
أحبك
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



حبيييت منصوووور :)
امممم يوسف ,, يا ريال البنت ما تحبك غصب تحبك يعني عقب اللي سوييته كله
علي ,, خل يفك الشفرات و يبتعد عن فجر شوي و يحااول يمنع الجراايم بس ما يبين شخصيته
هه واايد اتفلسف اعرف
و اممم ابي اعرف شي يوم محدد عسب البارتات و لا اي يوم ع حسب متى تخلصيينهن؟
تقبلي مروري










 
قديم 12-06-2011, 04:23 AM   #209
msk el5tam
.:: ديم فعال ::.
 
الصورة الرمزية msk el5tam

بيانات msk el5tam
بيانات إضافية
النقاط : 5391836
الجنس :
علم الدولة : United Arab Emirates
الحالة :
المزاج
مناك
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



البارت كان حزين بس حلو بنفس الوقت
ثانكس ع البارت
و الصرااحه ابدعت
و نتريا تكملت القصه










 
قديم 13-06-2011, 08:10 PM   #210
زيتونة
.:: ديم جديد ::.
 
الصورة الرمزية زيتونة

بيانات زيتونة
بيانات إضافية
النقاط : 62523
الجنس :
علم الدولة : United Arab Emirates
الحالة :
من مواضيعي من إبداعاتي الأوسمة والجوائز
افتراضي رد: همــــس المـــــوت | Whisper Of Death ™



روووووعه البارت واااايد حلو

بس حزييييين البارت وخاصة الفقرة مالت الانفجار
جدام علي

شوقتينا يا اختي ونتظر البارت الياي

ان شاء الله في احداااث حلوووه










 
موضوع مغلق

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهة
الموضوع كاتب الموضوع المنتدى مشاركات آخر مشاركة
..`, The Death of Creativity .. AAESHA التصـوير الفوتوغـرافي 27 03-06-2009 03:23 PM

  

 

 


الساعة المعتمدة بتوقيت جرينتش +4 . الساعة الآن تشـير إلى 11:35 AM.
Powered by vBulletin® Copyright ©2000 - 2014, Jelsoft Enterprises Ltd .
All Rights Reserved© 2008 - 2014 , Deemuae.com